Рюдигер трансфери эълон қилинди

«Реал» клуби расмий сайти «Челси»нинг германиялик ҳимоячиси билан 4 йиллик шартнома борасида келишувга эришганини эълон қилди. Футболчи Лондон клубидан Мадрид жамоасига эркин агент сифатида қўшилган. У мадридликларнинг ёзги трансфер ойнасидаги илк янги ўйинчисига айланди. Рюдигер 2017 йил «Рома»дан «Челси»га ўтиб, 5 йил давомида клуб шарафини ҳимоя қилди У жами 203 ўйинда майдонга тушиб, 12та голга муаллифлик қилган. «Аристократлар» сафида 5та соврин - Чемпионлар лигаси, Европа лигаси, Англия кубоги, Европа Суперкубоги ва клублар ўртасидаги ЖЧ ғолибига айланган.