Симеоне тарихга кирди

Баҳсдаги ягона голни мадридликлар хавбеки Родриго Де Пауль урди. Бу Диего Симеоне учун Испаниядаги 400-ғалабаси бўлди. Алексис Бласкеснинг маълумотига кўра, аргентиналик испан футболида битта жамоа билан 400 ғалабага эришган илк мураббий бўлди. Шу билан бирга, Симеоне Ла Лигадаги фаолияти давомида 976 очкосини қўлга киритди. У Луис Арагонесни (973) ортда қолдириб, яна бир рекордни янгилади. Бу борада, шунингдек, кучли бешликдан Хавьер Ирурета (871), Эрнесто Вальверде (860) ва Мануэль Пеллегрини (814) жой олган. Эслатиб ўтамиз, Испанияда ғалаба учун уч очко 1995 йилдан бери берилиб келинмоқда.