«Манчестер Сити» ёзги трансферлар вақтида «Реал» ҳужумчиси Родриго Гоэсни ўз сафига қўшиб олишни режалаштирмоқда.
Cadena Ser нашрининг хабар беришича, «шаҳарликлар» устози Хосеп Гвардиола бразилиялик футболчининг ўйин услубини ўз жамоасига мос келишини таъкидламоқда. «Реал» раҳбарияти жамоага Килиан Мбаппе келишини инобатга олиб, Родриго захирада ўтириб қолмаслиги учун уни бошқа клубга ўтишига йўл очмоқчи эканини маълум қилган. Куни кеча Родригонинг ўзи ҳам янги иш жойи сифатида «Сити»га кўчиб ўтишга рози эканини билдирганди. 23 ёшли ҳужумкор футболчи Хосеп Гвардиола қўллаётган ўйин услуби унга ёқишини айтган. Родригонинг трансфери манчестерликларга 100 миллион еврога тушиши мумкинлиги айтилмоқда.
