Туркия қуйи лигаларидаги 5 клуб ҳам чемпионатни тарк этишга ариза берди

Мамлакат футбол федерацияси раҳбари Меҳмет Буюкекши сўзларига кўра, Туркия чемпионатининг «Адаяман», «Диёрбакрспор», «Қаҳрамонмарашспор», «Малатя Аргуванспор» ва «Османиеспор» клублари ўзлари иштирок этаётган лигаларни тарк этиши ҳақида маълум қилган.

Маълумот учун,  «Адаяман» ва «Диёрбекирспор» Туркия 2-лигасида тўп сурса, «Қаҳрамонмарашспор», «Малатя Аргуванспор» ва «Османиеспор» 3-лига аъзоси саналади.

Аввалроқ, Туркия Суперлигаси вакиллари «Ҳатойспор» ва «Ғозиантеп» клублари ҳам шаҳардаги вайронкор зилзила оқибатида юз берган фожиалар туфайли лигадаги иштирокини тўхтатишини расман эълон қил иш ганди. 
Айтганча туркиялик спорт журналисти Аҳмет Салим Кул зилзила оқибатлари туфайли Туркия чемпионатидан чиққан «Хатайспор» ва «Газиантеп» жамоаларининг тақдири ҳақида фикр билдирди.

«Шу кундан бошлаб ҳар бир жамоага «Газиантеп» ва «Хатайспор»га қарши ўйинда 3:0 ҳисобида техник ғалаба ёзилиб, уч очко тақдим этилади. Шу билан бирга, ҳар икки жамоа ҳам мавсум якунида қуйи лигага туширилмайди ва кейинги мавсумни Суперлигада бошлайди», - деди журналист.

Эслатиб ўтамиз, 6 февраль куни Туркия ва Суриядаги 7,8 магнитудали зилзила оқибатида ҳалок бўлганлар сони 14 февраль кунги ҳолатга кўра 37 минг нафардан ошган.