Вандерсоннинг харидорлари кўпайди

Испаниянинг «Реал» ва «Барселона», шунингдек, Англиянинг «Манчестер Юнайтед» клублари «Монако» ҳимоячиси Вандерсон учун кураш олиб боради, деб хабар берди Sport.fr. Хабар беришларича, 22 ёшли Вандерсон февраль бошида монегасклар билан янги шартнома имзолаган ва ҳозирча клуб бразилияликни сотиш ёки уни жамоада қолдириш борасида бир қарорга келмаган. Вандерсон жорий мавсум «Монако» либосида 18та ўйинда иштирок этиб, 3та гол урди ва 1та голга ассистентлик қилди.