Ван дер Сар ишдан кетди

Нидерландиялик собиқ посбон 2016 йилдан буён Амстердам клуби бош директори лавозимида ишлаб келаётганди, 2012 йилдан эса директорлар кенгаши аъзоси эди. «Деярли 11 йил директорлар кенгашида ишлаганимдан сўнг клубдаги фаолиятимни тугатяпман. Бирга ажойиб лаҳзалар ўтказдик, лекин шу билан бирга бу ниҳоятда қийин давр эди. «Аякс»даги иккинчи фаолиятим давомида танишган ва бирга ишлаган одамлардан миннатдорман. Ишдан узоқлашиш, дам олиш ва бошқа ишларни қилиш кераклигини ҳис қиляпман. Шу боис ҳам истеъфога чиқишга қарор қилдим», - дейди ван дер Сар. «Аякс» якунланган мавсумда бирорта соврин ютолмади ва Чемпионлар Лигасига йўлланмани қўлга кирита олмади. Клуб чемпионатда 3-ўринни эгаллади - бунақаси 2009 йилдан бери содир бўлмаганди.