Вирц шартномасини узайтирди

Kicker хабарига кўра, 21 ёшли ярим ҳимоячи немис клуби билан шартномасини яна бир йилга - 2027 йилгача узайтирди. Клуб ва футболчи ўртасидаги аввалги келишув 2026 йилгача амалда эди. Флориан бу мавсумда Бундеслиганинг 14 ўйинида 6та гол урди ва 4та голли узатмани амалга оширди. Аввалроқ ярим ҳимоячига «Реал» ва «Манчестер Сити» клублари қизиқиш билдираётгани ҳақида хабарлар тарқалган эди. «Бавария» эса Вирцнинг трансферини стратегик аҳамиятга эга, деб ҳисоблаяпти ва нима қилиб бўлса ҳам уни қўлга киритмоқчи.