«Юве»нинг Погбадан умиди катта

Инсайдер Никола Скиранинг ёзишича, Турин клуби франциялик ярим ҳимоячига клубнинг 10-рақамли либосини таклиф этиб, уни жамоадаги асосий фигуралардан бирига айланишига ваъда берган. Қайд этилишича, 29 ёшли футболчининг вакиллари тез орада Туринга ташриф буюриб, «Юве» раҳбарияти билан музокара олиб бориши режалаштирилган. Клуб Погбанинг маош бўйича талаби пасайтирилишидан умид қилмоқда. Ўтиш амалга ошишига фақатгина молиявий жиҳатдан келиша олмаслик тўсқинлик қилиши мумкин. Сабаби «ПСЖ» клуби ҳам Погбани эркин агенти сифатида таклиф этиб, унинг маошлар бўйича талабларини бажармоқчи. Футболчининг ўзи Турин ёки Париж вариантларидан бирини танлашга тайёр.

Эслатиб ўтамиз, Погба 19 ёшида Манчестердан Туринга кўчиб ўтиб, 2016 йил 105 миллион евро эвазига «МЮ»га қайтган эди. Унинг амалдаги келишуви ёзда якунига етади ва томонлар шартномани узайтириш борасида иш бошламаган. Поль жорий мавсум клуби сафида жами 27 ўйинда майдонга тушиб, битта гол ва 9та ассистга муаллифлик қилган.