САФАРЧА ДУРАНГЛАР СЕРИЯСИ-КУ МАЙЛИ, БЕШ ЎЙИНДА АТИГИ БИР ГОЛ УРИЛГАНИ-ЧИ? Ёхуд InterFUTBOLнинг пайшанба сонида
Мазкур ҳафтада ОФК Элит Чемпионлар лигаси 5-тури доирасида «Пахтакор» сафарда Эроннинг «Истиқлол» жамоасига қарши майдонга тушди.
Tuttosport хабарига кўра, Турин клуби ҳуқуқий жиҳатдан «МЮ»га тегишли бўлган ва ижара асосида «Хетафе»да тўп сураётган Мэйсон Гринвудни ўз сафига қўшиб олишни кўзламоқда. Италияликлар англиялик вингер ўрнига жамоа ҳимоячиси Бремерни «МЮ»га беришга тайёр. Яна бир нишон - «Лилль» ярим ҳимоячиси Эдон Жегрова саналади. 25 ёшли футболчи икки қанотда ҳам бирдек ўйнай олади. Туринликлар «Атлетико»дан Альваро Моратани ҳам «А» серияга қайтариш ҳақида ўйламоқда. Клуб Душан Влахович билан хайрлашса, унинг ўрнини испаниялик форвард билан тўлдирмоқчи. Шунингдек, «Юве» раҳбариятининг режаларидан «Женоа» аъзоси Алберт Гудмундссон ҳам жой олган. Исландиялик учун клуб «Интер» билан рақобатлашишига тўғри келади. «Ювентус» ёзда таклиф этишни режалаштираётган яна бир ўйинчи Доменико Берарди саналади. Турин клуби анчадан буён «Сассуоло»нинг 29 ёшли футболчисини ўз сафига қўшиб олишга интилмоқда.
