ЦСКА, «Рубин» ва Россия терма жамоаси собиқ ярим ҳимоячиси Алан Загоев фаолиятини Грециянинг «Ламия» жамоасида давом эттиради.
Euro-football.ru сайти хабарига кўра, 33 ёшли футболчи клуб билан шартнома шартларини келишиб олган. Загоев 2023 йилнинг июлидан буён эркин агент ҳисобланади. Хавбек 2022/23 йилги мавсум «Рубин» сафида 20та ўйинда майдонга тушиб, 3та гол урди ва 2та голли узатмани амалга оширди. «Ламия» 6та учрашувда 6 очко жамғарган ҳолда Греция чемпионати мусобақа жадвалида 9-ўринда бормоқда. Ушбу жамоада 2010 йилдан 2017 йилгача Загоев билан ЦСКАда ўйнаган ярим ҳимоячи Зоран Тошич ўйнайди.
