Яна ЖЧ-2022 Низоми( регламенти) ва 1/8 финалнинг барча жуфтликлари ҳақида...

1/8 финал жуфтликлари ва ўйинлар санаси     
3 декабр     
20:00. Нидерландия – АҚШ     
00:00. Аргентина – Австралия     

4 декабр     
20:00. Франция — Польша     
00:00. Англия – Сенегал     

5 декабр     
20:00. Япония – Хорватия     
00:00. Бразилия – Жанубий Корея     

6 декабр     
20:00. Марокаш – Испания     
00:00. Португалия – Швейцария     
***
Рақамлар ва фактлар бир куни жам бўлди…

➤Гуруҳ босқичида 5 та жамоа — Нидерландия, Англия, АҚШ, Марокаш, Хорватия мағлубиятга учрамади, холос.

➤Гуруҳ босқичида очко йўқотмаган жамоа бўлмади.

➤Англия ва Испания гуруҳ босқичида энг кўп — 9 тадан гол урди.

➤Гуруҳ босқичида ҳамма жамоа ўз дарвозасидан гол ўтказди.

➤Қатар, Уелс, Тунис, Дания, Белгия гуруҳда энг кам гол урган жамоалар бўлди — 1 тадан гол.

➤Англия гуруҳ босқичида энг яхши тўплар нисбати фарқини вужудга келтирди — 9-2 (+7).

➤Коста-Рика гуруҳ босқичида энг кўп гол ўтказган жамоа — 11 та гол.

➤Осиёдан 3 та жамоа — Австралия, Япония ва Жанубий Корея 1/8 финалга чиқди.

➤Европадан 8 та жамоа 1/8 финалга чиқди: Нидерландия, Англия, Полша, Франция, Испания, Хорватия, Швейцария, Португалия.

➤Африкадан 2 та жамоа — Сенегал ва Марокаш 1/8 финалга чиқди.

***
Айтганча, шу ўринда турнир регламенти билан яна бир карра таништирсак.. Гуруҳ босқичи ўйинларидан сўнг жамоаларнинг ўринлари қуйидаги тартибда аниқланади:

1. Барча ўйинларда қўлга киритилган очколар сонига эътибор қаратилади.

2.       Барча ўйинларда урилган ва қўйиб юборилган голлар фарқига эътибор қаратилади.

3.       Барча ўйинларда урилган голлар сонига эътибор қаратилади.

Агарда 2та ёки кўпроқ жамоа дастлабки 3та банд бўйича тенг кўрсаткичга эга бўлса, уларнинг ўрни қўшимча критериялар асосида аниқланади:

4. Кўрсаткичлари тенг жамоаларнинг ўзаро ўйинларда олган очколар сонига эътибор қаратилади.

5.       Кўрсаткичлари тенг жамоаларнинг ўзаро ўйинларда урган ва қўйиб юборган голлари фарқига эътибор қаратилади.

6.       Кўрсаткичлари тенг жамоаларнинг ўзаро ўйинларда урган голлари сонига эътибор қаратилади.

Агар шунда ҳам тенглик кузатилса, унда 7-банд - «Фэйр-плей» очколарига мурожаат қилинади:

7. «Фэйр-плей» очколари 

*         биринчи сариқ карточка: минус 1 очко;

*         иккинчи сариқ карточка ортидан кўрсатилган қизил карточка: минус 3 очко;

*         тўғридан-тўғри қизил карточка: минус 4 очко;

*         сариқ карточка ва тўғридан-тўғри қизил карточка: минус 5 очко.

Бордию, бу ҳолатда ҳам барча кўрсаткичлар тенг бўлиб чиқса, охирги чора - қуръага мурожаат қилинади;

8. ФИФА ташкилий қўмитаси томонидан қуръа ташланади.