ЖЧ-2024 (футзал). Давоми Осиё вакилисиз...

Ваҳоланки, 1/8 финалга ОФКнинг 3та жамоаси чиққанди. Бироқ Афғонистон, Эрон ва Таиланд термалари синхрон равишда четга чиқди. Диққатга сазовор томони, КОНМЕБОЛнинг 4та жамоаси ҳам чорак финалга чиқди. Қозоғистон термаси эса амалдаги чемпион - Португалия жамоасидан устун келиб, қайсидир маънода сенсация қайд этди. Якшанба кунига келиб, ярим финалнинг биринчи жуфтлиги маълум бўлди: Украина - Бразилия. Оддий айтганда, футзалда ҳам УЕФА - КОНМЕБОЛ рақобати.

*** Қозоғистон футзал термаси жаҳон ва Европа чемпионати финал раундларида 8 йил давомида мағлубият нималигини билмаган Португалия жамоаси юришини тўхтатди. Португаллар охирги марта 2016 йилнинг 28 сентябрь куни ЖЧ-2016 ярим финалида Аргентина термасига бас келолмагандилар. Улар Колумбия мундиалида кейинчалик 3-ўрин учун кечган  баҳсда эронликлардан устун келишган пенальтилар серияси бўйича. Португалия термаси шундан ке­йин Евро-2018 (5та ғалаба), ЖЧ-2020 (6та ғалаба, 1таси пенальтилар сериясида ва 1та дуранг) ҳамда Евро-2022 (6та ғалаба)да ғолиб чиққанди.

1/8 ФИНАЛ 

24 сентябрь

БРАЗИЛИЯ - КОСТА-РИКА - 5:0 (2:0)

Голлар: Марсель (5), Валерио (12), Лино (28), Негиньо (36, 40).

НИДЕРЛАНДИЯ - УКРАИНА - 1:3 (0:1)

Голлар: Бузамбу (29) - Зварич (6), Мельник (31, 40).

25 сентябрь

ИСПАНИЯ - ВЕНЕСУЭЛА - 1:2 (0:1)

Андижон. «Универсал» СК. 1235 томошабин.

Бош ҳакам: Ран Ан (Хитой).

Голлар: Гомес (24) - Вильялобос (13), Карреньо (39).

Испания (бошланғич бешлик): Эрреро, Томас, Адольфо, Мельядо, Кампос.

Захира: Чеми, Дидас, Перес, Катела, Бойис, Гомес, Кортес, Лосано, Гордильо.

Венесуэла (бошланғич бешлик): Вильялобос, Санс, Кабаркас, Карреньо, Виамонте.

Захира: Васкес, Хименес, Морено, Торрес, Бри-сеньо, Морильо, Видаль, М.Франсия, С.Франсия.

ПАРАГВАЙ - АФҒОНИСТОН - 3:1 (0:1, 1:0, 2:0, 0:0)

Тошкент. «Ҳумо Арена». 1874 томошабин.

Бош ҳакам: Муҳаммад Юсуф (Миср).

Голлар: Ф.Мартинес (30), Мендес (41), Эспиноза (42) - Ҳамид Ҳусайни (15).

Парагвай (бошланғич бешлик): Гонсалес, Мендес, Салас, Баес, Ф.Мартинес.

Захира: Инсфран, Рамирес, Рохас, Мареко, Суарес, Паскоттини, У.Мартинес, Амарилья, Эспиноза.

26 сентябрь 

ЭРОН - МАРОКАШ - 3:4 (1:4)

Бухоро. «Универсал» СК. 1954 томошабин.

Бош ҳакам: Даниэль Маткович (Швейцария).

Голлар: Дероҳшони (4), Тайеби (21), Оладгобад (22) - Боузид (7), Рафиеипур (11-авт.), ал Месрар (17), ал Фенни (20).

Эрон (бошланғич бешлик): Багҳер, Дероҳшони, Оладгобад, Тайеби, Агапур.

Захира: Момени, Юсуф Сажод, Рафиепур, Санги, Ҳасанзода, Аҳмад Аббоси, Карими, Довуди, Азими.

Марокаш (бошланғич бешлик): Анбиа, ал Аййане, Борите, ал Месрар, ал Фенни.

Захира: Черидоу, Бенселлам, Даҳани, Муҳаммад Камол, Амазал, Чарраоуи, Боумезоу, Боузид, ал Идрис.

ПОРТУГАЛИЯ - ҚОЗОҒИСТОН - 1:2 (0:1)

Андижон. «Универсал» СК. 2825 томошабин.

Бош ҳакам: Лаутаро Ромеро (Аргентина).

Голлар: Зики (21) - Есенаманов (11), Турсагулов (40).

Португалия (бошланғич бешлик): Соуза, Эрик, Жоау Матос, Б.Коэльо, Пани.

Захира: Корреа, А.Коэльо, Пако, Жезус, Сесилио, Зики, Роша, Брито, Кутчи.

Қозоғистон (бошланғич бешлик): Игита, Дарибай, Есенаманов, Турсагулов, Дуглас Жуниор.

Захира: Сериков, Кнауб, Турегазин, Абдуманапули, Валиулин, Акбаликов, Оразов, Рашит, Лео.

27 сентябрь

ТАИЛАНД - ФРАНЦИЯ - 2:5 (0:1)

Бухоро. «Универсал» СК. 1017 томошабин.

Бош ҳакам: Энтони Райли (Янги Зеландия).

Голлар: Туанкланг (25), Вингвон (33) - Бендали (8), Сирагасси Туре (23), Абдусамад Муҳаммад (29), Муҳуддин (38), Саадауи (39).

Франция (бошланғич бешлик): Локока, Саадауи, Абдусамад Муҳаммад, Муҳуддин, Гуирио.

Захира: Гаррос, Белҳаж, Сирагасси Туре, 

Менендес, Чаптчет, Рамирес, Бендали, Лутин, Мамаду Туре. 

АРГЕНТИНА - ХОРВАТИЯ - 2:0 (1:0)

Тошкент. «Ҳумо Арена». 2307

Бош ҳакам: Анатолий Рубаков (Ўзбекистон).

Голлар: Брэнди (2), Роса (24).

Аргентина (бошланғич бешлик): Сармиенто, Клаудиньо, Вапораки, Брэнди, Таборда. 

Захира: Кравецки, Триподи, Алемани, Плаза, Корсо, Роса, Гауна, Борруто, Арриета.

1/4 ФИНАЛ

29 сентябрь

БРАЗИЛИЯ - МАРОКАШ - 3:1 (2:0)

Бухоро. «Универсал» СК. 2705 томошабин.

Бош ҳакам: Алехандро Мартинес (Испания).

Голлар: Марсель (11), Лино (17), Диего (28) - Бумезоу (34).

Бразилия (бошланғич бешлик): Виллиан, Марлон, Марсель, Диего, Рафаэль.

Захира: Гитта, Ранкальо, Негуиньо, Марченио, Лино, Пито, Феррао, Артур, Валерио.

УКРАИНА - ВЕНЕСУЭЛА - 9:4 (5:3)

Тошкент. «Ҳумо Арена». 3205 томошабин.

Бош ҳакам: Ториқ ал Хатаби (Миср).

Голлар: Абакшин (4, 15, 17), Шотурма (13), Швед (19), Семенченко (20), Сухов (26), Черняв­ский (31), Микитюк (37) - М.Франсия (5), Виамонте (15), Видаль (16), Морило (29).

Украина (бошланғич бешлик): Сухов, Корсун, Мельник, Семенченко, Абакшин.

Захира: Ципун, Савенко, Швед, Жук, Черняв­ский, Зварич, Шотурма, Микитюк, Фаренюк.

30 сентябрь (душанба)

17:30 ҚОЗОҒИСТОН - АРГЕНТИНА (Тошкент)

20:00 ФРАНЦИЯ - ПАРАГВАЙ (Бухоро)

ТЎПУРАРлар:

Марсель (Бразилия) - 10та

Брэнди (Аргентина) - 7та

Агапур (Эрон) - 6та

Пито (Бразилия) - 5та

Брисеньо (Венесуэла) - 5та

Кнауб (Қозоғистон) - 5та...

* ФИФА президенти Жанни Инфантино ўзининг саҳифасида юртимизда давом этаётган футзал бўйича ЖЧ қизғин нуқтага етганини қайд этиб, жамоаларга омад тилади: «Ўзбекистондаги жаҳон чемпионати чорак финали барчамизга янада қизиқарли учрашувларни ваъда қилмоқда. 8та кучли жамоанинг барчасига омад - ўз мамлакатларингизни глобал майдонда кўрсатишда давом этинг!»

* ФИФА гуруҳ босқичи 3-туридан ўрин олган Франция - Эрон (1:4) ўйини бўйича тергов бошлади. Гап шундаки, икки жамоа ҳам истамай ўйнагандек таассуурот қолдирганди. Хусусан, францияликлар ҳаттоки, атайин гол қўйиб юборишди, гўё (балки кейинги раундларда Бразилия термаси билан тўқнаш келмаслик учун). ЖЧни 3 очко билан якунлаган Ливия термаси бош мураббийи Рикардо Инигьес эса бу ҳолатни шармандалик сифатида баҳолади: «Ливия томони Эрон ва Франция термалари ўртасидаги ўйин бўйича расмий шикоят киритади. Бу бизнинг спорт учун соф шармандалик». Халқаро футбол федерацияси бунга дарҳол реакция билдирди: «Футзал бўйича жаҳон чемпионати «F» гуруҳидан ўрин олган Франция - Эрон ўйини масаласида билдирилган шикоятлардан хабардормиз. Текширув жараёни давом этмоқда, ҳозирча бошқа изоҳ берилмайди».

1/2 ФИНАЛ

2 октябрь (чоршанба)

20:00 УКРАИНА - БРАЗИЛИЯ (Тошкент)

3 октябрь (пайшанба)

20:00 ҚОЗОҒИСТОН/АРГЕНТИНА - ФРАНЦИЯ/ПАРАГВАЙ  (Тошкент)

3-ЎРИН УЧУН

6 октябрь (якшанба)

17:30 «Ҳумо-Арена» (Тошкент)

ФИНАЛ

6 октябрь (якшанба)

20:00 «Ҳумо-Арена» (Тошкент)

ГУРУҲ БОСҚИЧИНИНГ ЭНГ МУҲИМ ФАКТЛАРИ

1. Юртимиз мезбонлик қилаётган мундиал гуруҳ босқичи учрашувларида жами 279та гол қайд этилди.

2. Испания термаси 1989 йилги мундиалдан буён гуруҳ босқичида мағлубиятга учрамаяпти. Ўшанда «қизил фурия» Бразилия термасига 1:4 ҳисобида имкониятни бой берган.

3. ЖЧ-2024 гуруҳ босқичида 150 нафар футзалчи гол уришга муваффақ бўлди.

4. Гуруҳ босқичи доирасидаги 24та ўйинни 64000 мухлис бевосита ареналарда кузатди.