Зиданга 120 миллионли шартнома

Қайд этилишича, клуб франциялик мутахассисга йилига 60 миллион евролик икки йиллик шартнома таклиф қилган. Мураббийнинг ўзи ва унинг атрофидагилар бу таклифга ҳозирча муносабат билдиришмаган. Олдинроқ «Ал-Наср» Жозе Моуриньонинг ҳам номзодини кўриб чиқаётгани хабар қилинганди. Руди Гарсия «Ал-Наср» бош мураббийлигидан озод этилганди. Португалиялик ҳужумчи Криштиану Роналду шу жамоада ўйнайди. Зидан ва Моуриньо у билан «Реал»да бирга ишлаган. «Ал-Наср» Саудия Арабистони чемпионатида 23 учрашувда 53 очко жамғарган ҳолда 2-ўринда бормоқда. 50 ёшли Зидан 2021 йилда «Реал»ни тарк этганидан бери ишсиз юрибди.