Абрахам тарихга кириши мумкин

By Пўлатов Мухаммадхон 20 May, 2023 3 дақиқа ўқиш 564 Кўрилди

0 comments 0 likes

Пайшанба оқшомида «Рома» Европа Лигаси ярим финалида Хаби Алонсо бошлиқ «Байер» билан дуранг ўйнади (0:0) ва биринчи ўйиндаги ягона гол эвазига финалга чиқди.

Кубок учун ҳал қилувчи баҳсда Жозе Моуриньо шогирдлари «Севилья»га қарши баҳс олиб боради. Ижтимоий тармоқларда мухлислар Тэмми Абрахамнинг тарихга кириши мумкинлигини муҳокама қилишмоқда. «Рома» ҳужумчиси UEFAнинг тўртта мусобақасида ҳам ғалаба қозонган биринчи футболчига айланиши мумкин. Абрахам аввалроқ «Челси» билан Европа Чемпионлар Лигаси ва Суперкубогида, шунингдек, «Рома» билан Европа Конференция Лигасида ғолиб чиққан. Эслатиб ўтамиз, «Рома» ва «Севилья» ўртасидаги Европа Лигаси финали 31 май куни Будапештда бўлиб ўтади.