Айтиш керак, 25 ёшли форвард бу мавсумда илк бор Швеция – Косово (0:2) ўйинида майдонга тушди.
«Энг кўп хурсанд қиладиган жиҳат шуки, биз Исак билан шартнома тузишга эришдик. Трансфер амалга ошиши учун барча тарафлар қаттиқ ҳаракат қилди. Мен учун, клуб учун, мухлислар ва футболчилар учун унинг шартнома имзолагани — аъло хабар.
Швеция терма жамоаси бош мураббийи катта мақтовга лойиқ. Унинг ихтиёрида, эҳтимол, дунёдаги энг яхши ҳужумчи бор, олдинда эса терма жамоа учун жуда муҳим икки ўйин кутяпти. Лекин мураббий тушунадики, агар Исакни ҳар икки ўйинда ҳам 90 дақиқа ўйнатса, футболчи жароҳат олади.
Биз ҳам Исакка худди шундай муносабатда бўламиз, шунинг учун уни ҳар бир ўйинда 90 дақиқа ўйнайди, деб кутиб ўтирманг. Яқин ҳафталарда бу албатта содир бўлмайди.
У тўлиқ мавсумолди тайёргарликни ўтказиб юбoрди, шунинг учун энди уни аста-секин тиклашимиз керак. Бу осон бўлмайди, лекин биз у билан икки ҳафтага эмас, олти йилга шартнома имзолаганмиз ва мухлислар буни унутмасликлари керак», – деди «Ливерпул» бош мураббийи Арне Слот.
