«Барселона» «Камп Ноу» стадионига чим ётқизиш ишларини бошлади. Бу ҳақда Marca нашри хабар тарқатди.
Каталония клуби мавсумдаги илк уй ўйини бўлган Ла Лиганинг 4-туридаги «Валенсия»га қарши баҳсни қайта қурилган аренада ўтказишни режалаштирмоқда. Мазкур беллашув 14 сентябр куни ўтказилиши кўзда тутилган. Тақвимга кўра, «кўк-анорранглилар» дастлабки уч учрашувни сафарда ўтказади. «Барселона» қурилиш меъёрлари бўйича «Камп Ноу»дан фойдаланиш учун рухсат олди. Энди фақатгина мухлисларни киритиш лицензиясини олиш қолди холос.
