"Манчестер Сити" Жек Грилиш билан хайрлашмоқчи

 Маълумотларга кўра, "шаҳарликлар" бош мураббийи Хосеп Гвардиола 29 ёшли футболчининг ўйинидан норози бўлиб, уни омма олдида танқид қилган ва жорий мавсум якунига қадар яхшиланиши учун вақт берган. Акс ҳолда, жамоанинг янги аъзоси Савио томонидан аллақачон асосий таркибдан чиқариб юборилган вингер трансферга қўйилади.

 Эслатиб ўтамиз, Жек Грилиш 2021/22 йилги мавсумда "Астон Вилла"дан 117,5 миллион евро эвазига "Манчестер Сити"га трансфер қилинганди. Бу Англия Премер-лигаси тарихидаги энг қиммат трансферлардан бири ҳисобланади. 

 Маълумот учун, Грилиш жорий мавсумда “Манчестер Сити” сафида 19та ўйин ўтказиб, 2та голли узатмани амалга оширди.