Роналду клуб миқёсида энг кўп ғалаба қозонган тарихдаги биринчи футболчига айланди

Португалиялик футболчи Лиссабоннинг “Спортинг”и билан 13 марта, “Манчестер Юнайтед” билан 214 марта, “Реал” билан 316 марта, Туриннинг “Ювентус” клуби билан 91 марта ва “Ал-Наср” билан 66 марта ғалаба қозонган. 

Шунингдек, Роналду яқинда фаолиятидаги 921-голини уришга эришди. 39 ёшли ҳужумчи клуб даражасида 786та, Португалия терма жамоаси сафида эса 135та гол урган.Унинг Ар Риёд клуби билан тузилган амалдаги меҳнат шартномаси 2025 йилнинг ёзига қадар мўлжалланган. Трансфермаркт порталида берилган маълумотларга кўра, футболчининг бозор қиймати 12 миллион еврони ташкил қилади.