"Барселона" "Арсенал"нинг асосий ярим ҳимоячиси Томас Партини сотиб олиши мумкин.
"Каталонияликлар" бу футболчини келаси ёз учун асосий трансфер мақсадларидан бирига айлантиришган. Mundo Deportivo хабарига кўра, “Кўк анорранглилар” футболчини эркин агентга айланганидан кейин ўз сафларига қўшиб олишга ҳаракат қилишади. “Барселона”нинг Партига қизиқишининг асл сабаби сифатида, Френки де Йонг ўзидан кутилган ўйинни намойиш қила олмаётгани кўрсатилмоқда.
Маълумот учун, Томас 2020 йилнинг кузида "Атлетико Мадрид"дан "Арсенал"га ўтган эди. Жорий мавсумда у 25та ўйинда 2та гол ва 2та голли узатмани амалга оширди.
