"Боруссия" янги мураббий қидирмоқда. Номзодлар ҳам маълум

 Дортмунднинг “Боруссия” клуби Нико Ковач билан музокаралар олиб бормоқда. “қовоғарилар” мутахассисни янги бош мураббий сифатида кўрмоқда. Бу ҳақда журналист Флориан Плеттенберг хабар берди.

Ковач қисқа муддатли шартнома тузмоқчи. Дортмунд клуби эса узоқ муддатли ҳамкорликни талаб қилмоқда. Номзодлар рўйхатида Урс Фишер ҳам бор. Аммо у фақат ёзда иш бошлашга тайёр.

Эслатиб ўтамиз, “Боруссия” бош мураббийи Нури Шаҳин 23 январь куни кетма-кет тўртта мағлубиятдан сўнг ишдан бўшатилганди.