Тараддуд. Мавсумлар оралиғида “Насаф”дан “Локомотив”гача
Янги мавсумга жадал тайёргарлик кўраётган жамоаларимиз галдаги йиғин тафсилотлари ва таркибдаги ўзгаришлар ҳақида маълумот беришда давом этишмоқда.
Жумландан, 2024 йилги мавсумда Про Лига чемпионатида Бухоро жамоасининг совриндорлар сафидан жой эгаллаши учун катта ҳисса қўшган ҳимоячилар Фране Икич ва Марко Колакович билан шартнома яна бир йилга узайтирилди. Клуб раҳбариятининг олиб борган музокаралари натижасида 31 ва 32 ёшли футболчилар келаси мавсумда ҳам «Бухоро» шарафини ҳимоя қиладиган бўлди.
Маълумот учун, Фране Икич ўтган мавсум 25та ўйинда иштирок этиб, 4та гол урди, Марко Колакович эса, 26та ўйинда 7 марта рақиб дарвозасини ишғол этди.
