Даҳшатнамо «Ливерпуль»-2024

Бунда германиялик мутахассис ўрнини эгаллаган Арне Слотнинг хизмати катта, албатта. Нидерландиялик мураббий «қизиллар» ансамблига роса яхши тушди ёхуд клуб унинг фалсафасига мос келди. Қуйида «Ливерпуль» ва 2024 йилни боғлаб турувчи 60та факт билан танишишингиз мумкин рақамлар асносида (манба: sports.ru).

1. «Ливерпуль» 2024 йилни «Энфилд»да ишончли ғалаба билан бошлади. 1 январь куни «Ньюкасл» 4:2 ҳисобида доғда қолдирилган эди.

2. «Ливерпуль» 2024 йил давомида барча мусобақалар ҳисобидан 58та ўйинда иштирок этди.

3. Ўйинларнинг 30таси Юрген Клопп даврига тўғри келди.

4. Арне Слот 2024 йили «қизиллар»ни бироз камроқ - 28та ўйинда майдонга бошлаб тушди.

5. «Ливерпуль» йил давомида барча мусобақаларда жами 144та гол урди.

6. Жамоа голлардан 76тасини Юрген Клопп қўл остида нишонлади.

7. Арне Слот етакчилик қилган 28та ўйинда рақиблар дарвозаси 68 марта нишонга олинди.

8. «Ливерпуль якунланган йил 58та гол қўйиб юборди. Клопп даврида 36та ва Слот қўл остида 22та.

9. «Ливерпуль» жами 20та ўйинда ўз дарвозаси дахлсизлигини сақлаб қолди. Клопп бошқарувида 7та ва Слот раҳбарлигида 13та «қуруқ» ўйин.

10. Йилнинг энг сермаҳсул ўйини декабрь ойида кузатилди. Яқиндагина «Тоттенхэм»га қарши кечган баҳсда Слот жамоаси 6:3 ҳисобида ғалаба қозонди.

11. «Ливерпуль» 2024 йил давомида бирор марта голсиз дурангга имзо чекмади.

12. «Ливерпуль» йил тақвимидан жой олган атиги 4та ўйинда гол қувончини туймади.

13. «Ливерпуль» 2024 йили АПЛ доирасидаги 37та ўйинда 85 очко жамғарди. Клопп статистикаси - 19та ўйинда 40 очко ва Слот статистикаси - 18та ўйинда 45 очко.

14. «Ливерпул»нинг 2024 йилдаги ягона соврини - бу Англия Лига кубоги. «Қизиллар» финалда «Челси»ни биргина гол эвазига доғда қолдиришди. Ўша учрашув жамоа кўплаб ёш футболчиларга таянгани билан ёдда қолди.

15. «Энфилд»да 28та ўйин ўтказилди: 23та ғалаба, 2та дуранг, 3та мағлубият.

16. «Ливерпуль» сафарда жами 30та ўйин ўтказди: 21та ғалаба, 6та дуранг ва 3та мағлубият.

17. 21 сентябрь куни АПЛ доирасида «Борн­мут»га қарши кечган ўйинга 60347 мухлис тушди. Бу «Энфилд» учун 2024 йилдаги энг юқори кўрсаткичдир.

18. Энг кам мухлис эса ЧЛдан ўрин олган «Реал»га қарши ўйинда кузатилди - 58546 томошабин.

19. 2024 йили АПЛ доирасидаги уй ўйинларига ўртача ташриф 60057 мухлисни ташкил қилди.

20. Жамоа 2024 йили АПЛдаги уй учрашувларида жами 1074700 мухлис тўплади.

21. 2024 йил охирида «Ливерпуль» таркибидаги футболчиларнинг умумий трансфер қиймати  967,5 миллион еврога баҳоланди.

22. 2024 йил якунига кўра, Луис Диас таркибдаги энг қимматбаҳо футболчи - 85 миллион евро.

23. Таркибдаги энг арзон футболчи - дарвозабон Харви Дэвис (500 минг евро).

24. Ёзги бозор вақти клубда нафақат мураббийлар штаби, балки раҳбарият ҳам ўзгарди: Майкл Эдвардс ортга қайтди ва Ричард Хьюз спорт директори лавозимини эгаллади.

25. Юрген Клопп март ойида «Ливерпуль» бошқарувида 1000та гол маррасига етган учинчи бош мураббий бўлди (Билл Шенкли ва Том Уотсондан кейин).

26. Клубнинг энг фахрий футболчиси - Жо Гомес. У 2015 йилдан буён «қизиллар» сафида тўп сурмоқда.

27. Жо Гомес 2024 йили ҳам фаолиятидаги илк голини нишонлагани йўқ.

28. Матеуш Мусиаловски «Ливерпул»даги дебютини март ойида нишонлади. У Юрген Клопп даврида бундай имкониятга эга бўлган охирги футболчидир. Айтганча, польшалик йигит ёзда эркин агент мақомида жамоадан кетди.

29. Клопп давридаги охирги гол Жарелл Куанса ҳисобига ёзилди.

30. Арне Слот бошқарувидаги 1-голга Дио­гу Жота муаллифлик қилди.

31. Йил якунига кўра, «Ливерпуль» футболчиларининг ўртача ёши 26,4га тенг. 

32. Виржиль ван Дейк - жамоанинг энг ёши катта футболчиси. Нидерландиялик ҳимоячи 8 июль куни 33 ёшини қаршилади.

33. Трей Ньони - «Ливерпул»нинг 2024 йилдаги энг ёш футболчиси. У дебют вақти 16 ёш 7 ой 29 кунлик эди.

34. «Ливерпуль» 2024 йили 25та «чиқиш» трансферини амалга оширди (ижара келишувлари билан бирга).

35. Энг фойдали келишув - Сепп ван ден Берг учун «Брентфорд»дан 23,6 миллион евро олинди. Фабиу Карвалью ҳам айнан шу клубга кетди 23,4 миллион евро эвазига.

36. «Қизиллар» 2024 йили атиги 2 нафар янги футболчи олишди.

37. Энг қимматбаҳо харид - Гиорги Мамардашвили. Грузиялик дарвозабон трансфери учун «Валенсия»га 30 миллион евро тўланди.

38. Ёзда «Ливерпуль» билан шартнома тузган Гиорги Мамардашвили 2024 йили Грузиянинг энг яхши футболчисига айланди.

39. 2024 йили «Ливерпул»нинг икки футболчиси фаолиятини якунлади. Мавсум-2023|2024 охирида Тьяго Алькантара ва Жоэль Матип бутсаларини михга илишди.

40. Жарелл Куанса - 2024 йили шартномаси муддатини узайтирган ягона футболчи (асосий жамоада). У 7 октябрь куни янги битим остига имзо чекди.

41. Жамоада 18 нафар легионер бор. Энг кўп вакил Нидерландиядан - 3 нафар.

42. Трент Александер-Арнольд 2024 йили АПЛда энг кўп хавфли вазият яратган ҳимоя­чи бўлди - 15та.

43. Луис Диас - 2024 йили АПЛда 60тадан ортиқ хавфли вазият яратган ва 60 мартадан кўп муваффақиятли дриблинг ишлатган ягона футболчи.

44. 10 декабрь куни «Жирона»га қарши кечган ЧЛ ўйинида Алиссон, Александер-Арнольд, Гомес, ван Дейк ва Робертсон 656 кун бадалига илк марта мудофаа учун асосий таркибда бирга майдонга тушишди.

45. Арне Слот АПЛ тарихида ўзининг деб­ют мавсумидаёқ Рождество арафасида жамоасини турнир жадвалида 1-ўринга олиб чиққан 4-мураббий бўлди.

46. Арне Слот 2024 йили 51та ўйин ўтказди - «Фейеноорд» бошқарувида 24та ва «Ливерпуль» билан 27та. Нидерландиялик мутахассис шунча учрашувнинг атиги 1тасида мағлубиятга йўлиқди.

47. Клуб Арне Слот бошчилигида 1та ўйинда ўртача ҳисобда 2,67 очко олди.

48. Нидерландиялик мураббий энг кўп ўйин вақтини ҳамюрти Виржиль ван Дейкка берди. У жорий мавсум янги йилга қадар 2100 дақиқа ҳаракатланди.

49. 24 ўйин - «Ливерпул»нинг барча турнирлар доирасидаги мағлубиятсиз одими. Бу 1989 йили ўрнатилган клуб рекордининг такрорланишидир.

50. «Ливерпуль» АПЛ турнир жадвалида 1000 кун пешқадамлик қилган 5-жамоа бўлди.

51. Муҳаммад Салоҳ - АПЛ тарихида бир мавсум ҳисобидан нақ 8та мусобақада ҳам гол урган, ҳам ассисттентлик қилган биринчи футболчи.

52. Муҳаммад Салоҳ декабрь ойида «Гол+пас» тизими бўйича 15 очко тўплаб, Луис Суаресга тегишли клуб рекорди (13 очко)ни янгилади.

53. Мисрлик ҳужумчи 2024 йили жами 52та голда қатнашди. АПЛ йўлга қўйилганидан буён клубда атиги бир футболчи йил давомида 50та самарали ҳаракат маррасига етганди (2018 йили айнан Салоҳ). 

54. Муҳаммад Салоҳ - АПЛ тарихида атиги 18та ўйинда 30та самарали ҳаракат тўплаган биринчи футболчи.

55. Салоҳ - «Ливерпул»нинг 2024 йилдаги энг яхши тўпурари (29та гол).

56. Салоҳ - «Ливерпул»нинг 2024 йилдаги энг яхши ассистенти (23та самарали узатма).

57. Коди Гакпо йил давомида энг кўп ўйин ўтказди - 56та. Кейинги ўринлар Алексис МакАллистер (53та), Виржиль ван Дейк (53та), Луис Диас (52та) ва Дарвин Нуньес (50та)га тегишли.

58. Виржиль ван Дейк йил давомида АПЛ доирасидаги 37та ўйинда майдонга тушди - энг юқори кўрсаткич.

59. Чемпионатда жамоанинг 8 нафар футболчиси йил давомида 5та самарали узатма маррасига етди: Салоҳ (16та), Диас (6та), Гакпо (6та), МакАллистер (6та), Трент Александр-Арнольд (5та), Эллиотт (5та), Жота (5та), Нуньес (5та).

60. «Ливерпуль 2024 йилни «Вест Хэм» устидан қозонилган чиройли ғалаба билан якунлади - 5:0.

Д.АЛИМОВ тайёрлади