"Сўғдиёна"нинг Дубайдаги рақиблари маълум.
Жамоамиз 20 январьдан бошлаб қишки ўқув-йиғин машғулотларини Бирлашган Араб Амирликларининг Дубай шаҳрида давом эттиради.
Саудия Арабистони клуби «Ливерпул»нинг мисрлик юлдуз бўйича якуний жавобини бугун олишини маълум қилган. Қайд этилишича, «Ал-Иттиҳод» барибир «Ливерпуль» раҳбарияти ва бош мураббий Юрген Клоппни Салоҳни сотишга кўндиради. Олдинроқ «Ал-Иттиҳод» Салоҳга тахминан 76 миллион евро маош билан 3 йиллик шартнома таклиф қилгани хабар қилинганди. Ҳозирда «Ал-Иттиҳод» сафида Карим Бензема, Н’Голо Канте ва Фабиньо каби катта номлар бор.
Шунингдек, «Ал-Ҳилол» клуби ҳам мисрлик тўпурарни лигада энг катта маош оладиган ўйинчига айлантиришга тайёрлигини билдирмоқда. Салоҳнинг ўзини ҳам бир мавсум учун 200 миллион евродан олаётган Роналду ва Бенземадан кўп маош олиш масаласи қизиқтириб қўйган. Маълумотларга қараганда, «Ливерпуль» бундай ҳолатга тайёр. Клуб мутасаддилари Муҳаммад Салоҳга ўринбосарни аллақачон Италия чемпионатидан топиб қўйишган. Tuttomercatoweb сайти ливерпулликлар нишонига «Ювентус» ҳужумкор футболчиси Федерико Кьеза тушгани ҳақида ёзди. Аслида Юрген Клопп анчадан бери италиялик ҳужумкор ўйинчини кузатиб келяпти. Турин клуби ғазнани тўлдириш мақсадида Кьезани қўйиб юборишга тайёр. Бунинг учун англияликлар 60 миллион евро тўлаши талаб этилади. 25 ёшли футболчининг «Ювентус» билан шартномаси 2025 йилнинг ёзигача давом этади.
