Немис футболчиси Премер-лигага кўчиб ўтиши мумкин.
ОАВ хабарига кўра, "Ливерпул" "Бавария" ярим ҳимоячиси Жошуа Киммихнинг атрофидагилар билан ёзда амалга ошиши мумкин бўлган трансфер бўйича музокараларни бошлаган.
Эслатиш жоиз, футболчининг мюнхенликлар билан тузган шартномаси 6 ойдан кейин якунига этади. "Қизиллар" юлдуз ярим ҳимоячини ўз сафига қўшиб олиш орқали, "Реал"га ўтмоқчи бўлган Трент Александер-Арнолднинг ўрнини тўлдиришмоқчи.
"Бавария" эса Киммихни жамоада сақлаб қолиш ниятида. Клуб футболчи билан шартномани узайтириш борасида музокара олиб бормоқда. Футболчининг ўзи ҳам ҳали якуний қарорга келгани йўқ. У барча вариантларни атрофлича ўйлаб кўрмоқчи.
