Икки ой олдин катта мақсадлар билан "Манчестер Юнайтед" бош мураббийлигига тайинланган Рубен Аморимнинг ҳозирча, "қизил иблислар" бошыарувидаги ишлари у қадар юришмаяпти.
Аммо салбий натижалар Аморимнинг позициясига заррача таъсир кўрсатмаяпти. Football Insider нашри хабарига кўра, "Манчестер Юнайтед" раҳбарияти ҳамон Аморимни тўлиқ қўллаб-қувватлайди. Португалиялик мураббийга узоқ муддатли лойиҳа ишониб топширилган ва "Олд Траффорд"даги сармоядорлар ҳозирча ваҳимага тушишмаган. Оддий қилиб айтганда, яқин келажакда бош мураббийни алмаштириш ҳақида ҳеч қандай гап-сўз йўқ.
