“Пахтакор” Қозоғистон клуби билан дуранг қайд этди
Анталиядаги йиғинни давом эттираётган “Пахтакор” навбатдаги ўртоқлик учрашувини ўтказди.
Жозе Моуриньо Пеп Гвардиоланинг совринлар ҳақидаги гапига изоҳ берди.
“Манчестер Сити” бош мураббийи аввалроқ “Ливерпуль” билан ўйинда мухлисларга олтита бармоғини кўрсатганида португалиялик мутахассис билан солиштириш ҳақида гапирган эди.
"Гвардиола мухлисларга олтита соврин ютганини айтди, мен учта совринни қўлга киритдим. Лекин мен уларни адолатли ва тўғридан-тўғри ютиб олдим.
Агар мағлуб бўлсам, рақибимни табриклайман, чунки у мендан яхшироқ бўлиб чиқди. Менга қарши 150 та иш кўриб чиқилаётганда ғалаба қозонишни истамайман", - деди “Фенербахче” бош мураббийи Жозе Моуриньо.
2023 йилнинг февралида Премьер-лига “Манчестер Сити”ни 2009-2018 йиллар давомида 115 та молиявий қоидаларни бузганликда айблади. Бу иш бўйича тингловлар сентябрь ойида бошланган ва ҳукм келаси йилнинг баҳорида чиқиши кутилмоқда.
