Салоҳ "Ливерпул"дан кетишга қарор қилди

  Манбага кўра, Салоҳ Саудия Арабистони чемпионатидаги клублардан бирига ўтиш бўйича келишувга эришган. Испан манбаларига таянган ҳолда пост қолдирган Абдулҳоди жумладан шундай ёзган: "Моҳамед Салоҳ Саудия Арабистони қироллиги билан келаси мавсум Roshn Leagueда ўйнаш учун шартнома имзолади, аммо у қайси клубда тўп суриши ҳали номаълум". 

Тушунтириш, Саудия Арабистони давлат инвестиция жамғармаси (PIF) лиганинг тўртта клуби – “Ал-Ҳилол”, “Ал-Иттиҳод”, “Ал-Наср” ва “Ал-Аҳли”га эгалик қилади. Салоҳ мамлакатда ўйнаш бўйича ҳукумат билан келишувга эришган бўлиши мумкин, аммо у қайси жамоада фаолият олиб бориши бўйича якуний қарор қабул қилинганича йўқ. 

 Эслатиб ўтамиз, жорий мавсумда 32 ёшли футболчи АПЛнинг 19та учрашувида 18та гол ва 13та голли узатмани амалга оширди.