“Сити”нинг ҳимоядан кўнгли тўқ. Навбат ярим ҳимояга
"Ман Сити" ярим ҳимоя 135 миллион фунт сарфлаб, яна бир футболчи сотиб олмоқчи
ЎФА раҳбарияти аввало Сречко Катанесга саломатлик тилаб, Миллий жамоа учун қилган меҳнатларини эътироф этди. Куни кеча словениялик мутахассис соғлиғи ёмонлашгани сабабли терма жамоадаги фаолиятини давом эттира олмаслиги ҳақида ассотсиатсияга хат йўллади. Жамоамизни олдинда масъулиятли ўйинлар кутиб турган муҳим паллада янги бош мураббий атрофида бирлашиб, азалий орзумиз бўлган Жаҳон чемпионати йўлланмасини қўлга киритиш учун қаттиқ меҳнат қилиб, тўлиқ тайёргарлик кўриш кераклиги таъкидланди.
Ушбу муҳим вазифа айнан бир неча йиллар терма жамоа шарафини ҳимоя қилган, мураббийлик тажрибасини олган, ёшлар билан муваффақиятли ишлаб, Олимпиада йўлланмасини қўлга киритган мутахассис — Тимур Кападзега ишониб топширилгани айтилди.
Ўз ўрнида Тимур Кападзе жамоа ва мураббийлар штаби билан илиқ суҳбатлашиб, олдимизга қўйилган аниқ мақсад йўлида бир оила бўлиб, биргаликда ҳаракат қилиш кераклигини айтди.
Ўзбекистон миллий терма жамоаси Тимур Кападзе қўл остида дастлабки машғулотларини бошлади.
