“Сити”нинг ҳимоядан кўнгли тўқ. Навбат ярим ҳимояга

The Times хабарига кўра, "шаҳарликлар" қишки трансфер ойнаси ёпилгунига қадар (3 февраль) ярим ҳимоячи сотиб олиш имкониятини кўриб чиқмоқда. 

Жамоа жорий мавсум қишки трансферлар ойнасида ҳимоячилар Абдуқодир Хусанов (бонусларни ҳисобга олмаганда 42 миллион фунт) ва Витор Реис (30 миллион фунт) ҳамда  ҳужумчи Омар Мармуш (59 миллион фунт+4 миллион) учун 131 миллион фунт сарфлаб бўлди. Шунча харажатларга қарамай, клуб энди ярим ҳимоя чизиғини кучайтириш имкониятларини кўриб чиқмоқда. Хабарда айтилишича, “Ман Сити” томонидан “Аталанта” етакчиси Эдерсон ва “Ювентус” ярим ҳимоячиси Дуглас Луизга қизиқиш мавжуд. Шунингдек, АПЛ гранди шорт листидан Жон Стоунз ҳамда Мануел Аканжи ҳам ўрин эгаллаган.