“Ливерпуль” ҳимоячиси Виржил ван Дейк жамоа сафига ёзда келиб қўшилган Исак ва Экитике ҳақида фикр билдирди.
«Исак ажойиб якунловчи. Агар унинг ҳужумни якунлаш кўникмаларига қарасангиз — бош билан зарба, чап оёқ, стандарт вазиятларда узатмани гол билан якунлаш — ҳозирги пайтда у мукаммал ҳужумчи. Шунингдек, Уго Экитике ҳақида ҳам худди шуни айтиш мумкин. Улар бир-биридан унча фарқ қилмайди, жуда яхши тўп назоратига эга, шериклар билан ўйнай олишади, тезликлари бор — замонавий ҳужумчидан талаб қилинадиган ҳамма нарса мана шу. Икковлон ҳақиқий хавф ва яхши томони шундаки, улар ҳозир мен билан бир жамоада тўп суришмоқда» - деди футболчи.
