Хвичада «А» серия рекорди

Мухлислар ўртасида ўтказилган сўровнома якунларига кўра, гуржистонлик вингер «Наполи»даги жамоадоши Ким Мин Чжэ, «Сассуоло» яримҳимоячиси Арман Лорьянте, «Ювентус» хавбеки Адриен Рабьо ва «Удинезе» ҳимоячиси Дестини Удоджини ортда қолдиришга муваффақ бўлди. Шу тариқа, Хвича бир мавсумда учинчи маротаба ойнинг энг яхши ўйинчиси совринига эга чиқиб, «А» серияда рекорд қўйди. Бунгача Кварацхелия икки марта – август ва февраль ойида ҳам энг яхши ўйинчига айланганди. Футболчига март ойи лауреати соврини 2 апрель кунги «Наполи» - «Милан» ўйинидан олдин топширилади. Маълумот учун, 22 ёшли футболчи март ойида «А» серияда 3 ўйинда майдонга тушиб, 2та гол ва битта ассистга муаллифлик қилди.