2026 йилги футбол бўйича жаҳон чемпионатининг гуруҳ босқичи учун қуръа ташлаш 5 декабрь куни Лас-Вегасда бўлиб ўтади, гарчи шаҳар турнирнинг ҳеч бир ўйинини қабул қилмаса ҳам. Бу ҳақда ESPN хабар бермоқда.
Манбага кўра, қуръа жараёни дунёдаги энг катта шарсимон иншоот, тахминан 17,5 минг томошабинни ўз ичига оладиган — "Сфера" залида бўлиб ўтади. Бу жой 50 минг квадрат метрдан ортиқ ноёб экран билан жиҳозланган.
Эслатиб ўтамиз, 2026 йилги жаҳон чемпионатида 48та терма жамоа иштирок этади ва турнирнинг ўзи 11 июндан 19 июлгача АҚШ, Канада ва Мексика стадионларида бўлиб ўтади. Мундиалнинг амалдаги эгаси Аргентина терма жамоаси бўлиб, у 2022 йилда финал ўйинида пеналтилар сериясида французлардан устун келганди.
