Абрахамга «МЮ» ва «ПСЖ» харидор, аммо...

Gazzetta dello Sport хабарига кўра, «Рома»нинг «Милан»га қарши учрашувини (1:1) Манчестер ва Париж клуби скаутлари стадиондан кузатиб борган. Англиялик форвард ушбу баҳсда гол муаллифига айланди. Қайд этилишича, «МЮ» Ваут Вегхорст ўрнига Абрахам номзодини кўриб чиқаётган бўлса, Франция клуби Юго Экитике ўрнига Тэммини таклиф этмоқчи. «Рома» клуби Абрахам билан ёзда каттароқ маблағ эвазига хайрлашишга тайёр. Римликлар кўпроқ «Челси»дан таклиф бўлишини кутмоқда. Сабаби Абрахам трансфери бўйича келишувда унинг Лондонга қайтиши «Челси»га 80 миллион еврога тушиши белгиланган. Маълумот учун, 25 ёшли ҳужумчи жорий мавсум 32 ўйинда 8та гол ва 3та ассист қайд этган.