Афсона ҳаётидан афсонавий кадрлар

Лекин камдан-кам футболчига насиб этадиган узоқ йиллик фаолиятида у бир қатор унутилмас лавҳаларни намойиш этдики, уларни фақат музюрак мухлисгина хотиржам кузатиши мумкин. Жанлуиджи Буффон 1995 йилда «А» сериясидаги дебютини нишонлади. Ўша пайтларда жамоалар фақат икки нафар ўйинчини алмаштириш ҳуқуқи берилар, энди пайдо бўла бошлаган антеннали улкан мобил телефонлар олий мақомдаги дабдаба белгиси эди. Келинг, яхшиси, афсонавий дарвозабон фаолиятидаги муҳим босқичларни эсга олайлик.

1998 йил, сентябрь. Буффон журнал мутолаасига шунчалик берилиб кетдики, қўл-қопни ечиб қўйишни ҳам унутиб қўйди. Лилиан Тюрам ва Энрико Кьезалар ҳам қизиқиб қолишган.

2000 йил, апрель. Буффон «Милан» устидан эришилган ғалабани файер билан нишонламоқда. Ягона гол муаллифи Эрнан Креспо.

2006 йил, июль. Буффон бош мураббий Марчелло Липпининг қўлидан ўз фаолиятидаги асосий совринни олмоқда. Мундиал финалида италияликлар французлар устидан пенальтилар сериясида ғолиб чиқишди. Жанлуиджи ўта мураккаб ўйинни ўтказди.

2007 йил, май. «Ювентус» «Ареццо»ни таслим этиш билан «В» сериясидан «А» сериясига кўтарилишни кафолатлади. Ана шу муваффақият учун жамоа махсус футболкаларни тайёрлаб қўйганди.

2009 йил, апрель. Буффон Италиядаги «Чиамбретти туни» ТВ-шоусига ташриф буюрди. Ўшанда 31 ёшли дарвозабон қуйидагича баёнот берганди: «Яна 4-5 йил ўта юксак савияда ўйнай оламан».

2011 йил, декабрь. Буффон Янги йилни Дубайда ўша пайтдаги рафиқаси Алёна Шередова билан кутиб олмоқда. Чехия гўзали ва фотомодель 2011-2014 йилларда Жиджи билан бир ёстиққа бош қўйганди.

2014 йил, июнь. Буффон мухлисларнинг пиротехника воситалари таъсири туфайли туманда қолиб кетди. Мазкур кадр Евро-2012даги Хорватия терма жамоасига қарши ўйиндан олинган.

2016 йил, май. Буффон 12-марта Италия чемпиони бўлди. Тўғри, «Ювентус»ни иккита совриндан жудо қилишди.

2017 йил, июнь. Буффон финалдаги «Реал»дан қабул қилинган мағлубият туфайли ЕЧЛ Кубогини қўлга кирита олмади. Нуфузли соврин афсонавий посбон учун армонга айланди.

2017 йил, август. Буффон ЕЧЛнинг қуръа ташлаш маросимида меҳрибонлик билан Роналдунинг оёғини босиб қўйди. Ўша паллада дарвозабон «Юве»нинг ғолиб бўла олмаслигига қайси жамоа сабаб бўлишини билмасди.

2018 йил, апрель. «Реал»га қарши машҳур 1|4 финал беллашуви. Мазкур учрашувдан кейин Жиджи учрашув ҳаками Оливернинг кўксидаги юрак эмас, ахлат қутиси эканлигини айтганди.

2018 йил, июль. 40 ёшли Буффон ўз фаолиятини «ПСЖ»да давом эттирди. Парижда у кўп (17та ўйинда18та гол ўтказиб юборган) ўйнамади, лекин Франция чемпиони бўлди.

2023 йил, март. Буффон «Б» сериясидаги «Комо»га қарши учрашув стартида Сеск Фабрегас билан вимпеллар алмашмоқда.

  А.АБДУВАЛИХЎЖАЕВ тайёрлади