АНА, ХОЛОС! Уйидан қувғинди Кайл...

Бу ҳақда Германиянинг Bild нашри хабар тарқатди. Таъкидланишича, хоним футболчининг собиқ маҳбубаси билан учрашиб юрганидан хабар топгач, бунга нисбатан кескин чора қўллаган.

Аниқроқ баён этсак, Энни хоним Кайл Уокерни мудом собиқ маҳбубаси Лаура билан алоқаларни батамом узмаганликда айблаган. Оқибатда ўртада бир неча марта жанжал юзага келган. Охир-оқибат, «Манчестер Сити» ҳимоячиси Лаура билан учрашиб юрганини тан олган. Қўшимча қилинишича, Кайл аслида ўтган йилнинг август ойи охиридаёқ уйидан қувилган. Яъни 6 ойдан буён Энни билан бирга эмас. Шунчаки, можаро тафсилотлари энди юзага қалқиб чиқди. 

Англия миллий жамоаси вакили айни пайт Манчестер марказида жойлашган пентхаусда яшамоқда. Тўғри, у баъзан эски уйига ҳам боради, лекин фақат 3 нафар фарзанди ҳолидан хабар олиш учун. Кайл шунингдек, гоҳ-гоҳида уларни сайрга олиб чиқиши мумкин, шунда ҳам Энни хоним рухсати билан, албатта.

Д.АЛИМОВ тайёрлади