Мане ЖЧни ўтказиб юборади

«Бавария» вингери таркибга киритилганига қарамай, ўнг оёқ фибула суякларидан олган жароҳатидан вақтида фориғ бўла олмади. У операция қилинди. «Пайшанба куни Мане Инсбрукда лондонлик профессор Кристиан Финк ва доктор Энди Уилямс томонидан муваффақиятли операция қилинди. Шу сабаб футболчи Сенегал миллий жамоаси сафида жаҳон чемпионатида иштирок эта олмайди ва яқин кунларда Мюнхенда реабилитацияни бошлайди», - деб хабар беради «Бавария» расмий сайти. Мане 8 ноябрь куни «Вердер»га қарши Бундеслига ўйинида (6:1) жароҳат олганди.