Араухо кимга насиб этади?

By Пўлатов Мухаммадхон 29 Apr, 2024 5 дақиқа ўқиш 49 Кўрилди

0 comments 0 likes

Хави «Барселона»да қолишини эълон қилганидан кейин жамоани айрим катта номлар тарк этиши мумкин ва улар орасида Рональд Араухо ҳам бор.

2018 йилдан бери каталонияликлар сафида тўп тепиб келаётган ҳимоячига қизиқиш билдираётган клублар етарлича. Инсайдер Маттео Моретто хабар беришича, «Манчестер Юнайтед» уругвайлик футболчини ўз таркибига қўшиб олиш ҳақида ўйламоқда. Бу трансфер арзонга тушмаслигини «қизил иблислар» яхши билади. Шу билан бирга, «Бавария» ҳам узоқ вақтдан бери Араухони кузатиб келяпти. Испан ОАВ хабарига кўра, икки юлдуз иштирокида грандлар ўртасида алмашинув рўй бериши мумкин. Гап Киммих ва Араухо ҳақида кетмоқда. Аммо «Барселона» Рональдни аниқ сотувга қўйгани йўқ. Сабаби, клуб ўз юлдузларини олиб қолишни истайди, лекин молиявий ҳолат бунга йўл қўймаяпти. Испания гранди ўз мавқейини қайтариш учун ҳаракатда. Шундай экан бу ёзда Лапорта камида битта катта трансферни амалга оширмоқчи.