«Барса» Амрабат вариантига қайтди

By Пўлатов Мухаммадхон 05 May, 2023 4 дақиқа ўқиш 418 Кўрилди

0 comments 0 likes

Каталониянинг «Барселона» клуби раҳбарияти «Фиорентина»нинг марокашлик ярим ҳимоячиси Софьян Амрабат билан шартнома имзолашга қарор қилди.

Журналист Хавьер Мигелнинг ёзишича, «кўк-анорранглилар» хўжайинлари ярим ҳимоячини ушбу ёзда қўлга киритишга ҳаракат қилишади. Маълумотларга кўра, марокашлик футболчи 2022 йилги Жаҳон чемпионатида муваффақиятли иштирокидан сўнг, жорий йилнинг январь ойида Испанияга кўчиб ўтишга жуда яқин эди, бироқ трансфер амалга ошмай қолганди. Амрабат 2020 йилдан буён «Фиорентина» сафида тўп тепади. Марокашлик хавбек «бинафшаранглилар» либосида 98та ўйин ўтказиб, 1та гол урган. Transfermarkt портали клуб билан шартномаси тугашига бир йил қолган 26 ёшли ярим ҳимоячини 25 миллион еврога баҳоламоқда.