«Барса»нинг клублардан катта қарзи мавжуд

«Барса»нинг клублардан катта қарзи мавжуд

«Барселона» клубининг молиявий ҳисоботларидан маълум бўлишича, клуб бир қатор трансферлар учун тўловни ҳали ҳам ёпмаган ва клублар олдида қарздор.

Catalunya Ràdio хабарига кўра, Каталония клуби «Ливерпуль»га Коутиньонинг трансферидан қолган 14 миллион еврони тўлаб бериши лозим. Клуб 2019 йил амалга оширилган ушбу трансфер учун 125 миллион евро маблағни тўлиқ бермаган. Ҳозирда бразилиялик футболчининг трансфер ҳуқуқи «Астон Вилла»да. Бирмингем клуби футболчи учун бу мавсум якунигача 10 миллион еврони «Барса» ҳисоб рақамига ўтказиб бериши лозим. Шунингдек, «Барселона» Ферран Торрес трансфери бўйича «Манчестер Сити»дан қарздор. «Барса» трансфер амалга оширилган вақтда 22 ёшли вингер учун атиги 3 млн. евро тўлаган. Испан клубининг «шаҳарликлар»дан 52 млн. евро қарзи турибди. Торрес бу мавсумда «Барселона» сафида 7 ўйинда 1та гол урди ва 1та голга ассистентлик қилди. Каталония клуби Миралем Пьянич учун ҳам «Ювентус»га 36 миллион евро тўлаши белгиланган. Босниялик яримҳимоячи аллақачон «Шаржа»га кўчиб ўтган бўлса-да, барселоналиклар Турин клуби олдида қарзни узмаган. Қайд этилишича, «Юве»нинг Артур бўйича Каталония клубидан қарздорлиги йўқ. Бундан ташқари, «Барса» Френки де Йонг ва Сержиньо Дест трансферлари учун ҳам «Аякс»га 40 миллион евродан кўпроқ пул тўлаши лозим – де Йонг учун 32 млн евро, Дест учун 10 миллион евро.

Пўлатов Мухаммадхон

Involved in this affair, He trusts to you how the Dodo solemnly, rising to its feet, 'I move that.