Берхалтер ўрнига Хадсон тайинланди

Аввалроқ Берхалтер 2022 йилги жаҳон чемпионати пайтида кимдир аноним тарзда АҚШ Футбол Федерацияси билан боғлангани ва унинг 1991 йилда хотинига нисбатан зўравонлик қилгани ҳақидаги маълумотни айтганини маълум қилганди. Федерация ҳодисани текшириш учун юридик фирмани ёллаган. Берхалтернинг ёрдамчиси Энтони Хадсон миллий жамоани бўлажак ўйинларга тайёрлайди. 41 ёшли мутахассис АҚШ U-20 жамоасида бир йил ишлаган, 2021 йилдан эса катталар жамоасида бош мураббийи ёрдамчисига айланган. Бунгача Хадсон Баҳрайн ва Янги Зеландия миллий жамоаларида ҳам фаолият юритган. 25 январ куни АҚШ Сербия билан, уч кундан кейин эса Колумбияга қарши ўртоқлик беллашувларида майдонга тушади.