Бирданига 5та давлат

By Ravshan Ibrohim 08 Feb, 2023 4 дақиқа ўқиш 914 Кўрилди

0 comments 0 likes

Аргентина президенти Алберто Фернандес Боливияни Аргентина, Уругвай, Парагвай ва Чили билан биргаликда футбол бўйича 2030-йилги Жаҳон чемпионати учун аризага киритишни таклиф қилди.

"Жамоамиз жаҳон кубогини қитъамизга олиб келди ва 100 йилдан сўнг жаҳон чемпионати ҳаммаси бошланган жойга - Жанубий Америкага қайтса, ажойиб бўларди. Бу бутун қитъа учун таклиф. Қардош мамлакат Боливия бу орзунинг бир қисми бўлади ва мен шундай таклиф билан чиқдим”, деб ёзди Фернандес ўзининг твиттерида.

7 феврал куни Буенос-Айресда Аргентина, Чили, Парагвай ва Уругвайнинг қўшма аризаси тақдимоти бўлиб ўтди. Тадбирда Аргентина футбол ассосиасияси раҳбари Клаудио Тапия агар ариза маъқулланса, биринчи ўйин Аргентинада, финал эса 1930-йилда илк жаҳон чемпионати бўлиб ўтган Уругвайда ўтказилишини маълум қилди.