Бройя «Фулхэм»да!

Лондонликлар қўшнисидан Армандо Бройяни мавсум сўнггига қадар ижарага олганини эълон қилди. Шартнома шартларига кўра, футболчи мавсум сўнггига қадар 10та ўйинни асосий таркибда бошласа, «Фулхэм» ижара пулини тўламайди. Агарда у 10та учрашувда бошланғич таркибдан жой олмаса, клуб «аристократлар» ҳисобига 4 миллион ўтказиб беради. Трансферлар ойнасининг сўнгги кунларида «Вулверхэмптон» ҳам ушбу трансферни амалга оширишга ҳаракат қилиб кўрди, лекин футболчининг ўзи «Фулхэм»ни танлади. Бройя бундан олдин ҳам Премьер-лиганинг бошқа бир жамоасига ижарага берилган. У 2021-2022 йилларни «Саутгемптон»да ўтказиб, яхши таассурот қолдирганди. Аммо кейинги пайтларда ҳужумчининг жароҳатлари уни захирага «михлади». Шундай бўлса ҳам, Армандо ушбу мавсум 19та ўйинда майдонга тушиб, 2 марта рақиблар дарвозасини ишғол қила олди.