Чап қанотда энг кучлиси – Дэвис!

Ушбу рейтингни «Бавария» футболчиси Альфонсо Дэвис бошқариб бормоқда. «Милан» аъзоси Тео Эрнандес 2-ўринни эгаллади. Лондоннинг «Арсенал» клуби футболчиси Александр Зинченко кучли учликка кирди. Жадвалнинг кейинги ўринларида Эндрю Робертсон («Ливерпуль») ва Натан Аке («Манчестер Сити»)лар жой олишган. Маълумот учун, 22 ёшли Дэвис тез орада «Реал» таркибига қўшилиши кутилмоқда. Канадалик футболчининг трансфери тахминан 100 миллион еврога тушиши мумкин.