«Челси» тезроқ уларни сотиши керак

Янги мавсум олдидан «аристократлар» яна катта ҳаражат қилишига тўғри келмоқда. Ҳозиргача, лондонликлар Педру Нету (60 млн. евро), Филип Йоргенсен (24,5 млн.) ва Калеб Уайли (10 млн.) каби ўйинчиларни олди. Айни пайтда икки машҳур юлдуз Жоау Феликс ва Виктор Осимхен трансфери бўйича «Атлетико» ва «Наполи» билан музокаралар давом эттирилмоқда. Бу ёз трансфер ҳаражатлари 300 миллион фунтдан ўтиб кетиши мумкин. Молиявий фэйр-плейни бузмаслик учун «Челси» ўн нафарга яқин ўйинчини сотиб юбориши керак. Биринчилардан бўлиб кетадиганлар рўйхатига Ромелу Лукаку, Трево Чалоба ва Армандо Бройя киритилган. Шунингдек, тез орада Конор Галлахер ва Карни Чуквуэмекага ҳам харидорлар чиқиши кутилмоқда. Шунингдек, клуб раҳбарияти Раҳим Стерлинг, Нони Мадуэке, Давид Фофана ва Башир Хафрисга яхши таклиф бўлса, уларни ҳам қўйиб юборади.