«Челси»га Роналду керак эмас

«Челси»га Роналду керак эмас

«Манчестер Юнайтед» билан хайрлашган Криштиану Роналду «Челси»га ўтмайди, дея хабар бермоқда The Telegraph.

Манбанинг ёзишича, Лондон клуби эркин агентга айланган португалиялик 37 ёшли ҳужумчини таклиф этмоқчи эмас. «Челси» хўжайини Тодд Боули ёзда Роналдуни таклиф этиш масаласини кўриб чиққан, аммо ҳозирда клуб раҳбарияти Криштиануга таклиф билан чиқмоқчи эмас. Лондонликлар қишда янги трансферга қўл урса, бу яримҳимоя ёки ҳимоя чизиғи вакили бўлади. Қайд этилишича, клуб раҳбарияти Роналдунинг трансфери жамоа бош мураббийи Грэм Поттерга таркибни танлашда катта муаммолар яратишидан хавотирланган. Қолаверса, у жамоанинг ички муҳитига салбий таъсир қилишидан хавфсирашган. Аввалроқ, The Telegraph нашри Роналдунинг «МЮ» мухлислари билан хайралашув мурожаатини чоп этганди. Эслатиб ўтамиз, «Юнайтед» 37 ёшли португалиялик футболчининг Пирс Морганга берган интервьюси сабабли у билан амалдаги келишувни расман бекор қилди.

Пўлатов Мухаммадхон

Involved in this affair, He trusts to you how the Dodo solemnly, rising to its feet, 'I move that.