Демирал ёрдам учун 5 млн. лира йиғди

Эслатиб ўтамиз, 6 февраль куни Туркия жануби-шарқида 7,8 магнитудали зилзила содир бўлган эди. Натижада ҳозиргача 17 мингдан ортиқ одам ҳалок бўлди. «Аталанта» ва Туркия миллий жамоаси ҳимоячиси аукционга қўйилган Криштиану Роналду, Паоло Дибала ва Леонардо Бонуччининг футболкалари 5 млн. лирага (тахминан 250 минг евро) сотилганини маълум қилди. Мерих бу ўйинчилар билан «Ювентус»да бирга ўйнаган. Савдодан тушган барча маблағ зилзиладан жабр кўрганларга ёрдам кўрсатиш учун сарфланади. Демиралнинг таъкидлашича, «Атлетико» футболчилари Антуан Гризманн ва Альваро Мората ҳам аукцион учун ўзларининг имзоси туширилган футболкаларини совға қилишган, улар ҳам сотилади.