Дибалани Испанияга чорлашмоқда

By Пўлатов Мухаммадхон 08 Feb, 2024 3 дақиқа ўқиш 82 Кўрилди

0 comments 0 likes

Аргентина терма жамоаси ва «Рома» ҳужумчиси Пауло Дибала мавсум охирида Римни тарк этиши мумкин.

Todofichajes портали хабарига кўра, 30 ёшли форвардда Испания чемпионатида ўйнаш имконияти бор. Дибаланинг хизматларига Ла Лиганинг икки топ клуби қизиқиш билдирмоқда. Гап Каталониянинг «Барселона» ва Мадриднинг «Атлетико»си ҳақида кетмоқда. Паулонинг Рим клуби билан шартномаси келаси йилнинг ўрталарига қадар амал қилади. Transfermarkt портали унинг нархини 25 миллион еврога баҳоламоқда. «А» сериянинг жорий мавсумида 30 ёшли ҳужумчи 16та ўйин ўтказиб, 8та гол урди ва 6та голли узатмани амалга оширди.