Дон Карло «Эвертон»ни судга берди

The Guardian хабарига кўра, Лондон Олий суди унинг аризасини рўйхатга олган. Шикоятнинг «умумий тижорат келишуви»га боғлиқ экани айтилмоқда. Мураббий собиқ клубига қарши қандай эътирозларни билдиргани маълум эмас. Унинг адвокатлари бу ҳақда маълумот бермади. Шунингдек, «Эвертон» ҳам ҳодисани изоҳламади. Карло Анчелотти «Эвертон»ни 2019-2021 йилларда бошқарган. Унинг қўл остида жамоа Премьер-Лигада 12- ва 10-ўринни эгаллади. Истеъфога чиқарилгач, «Реал» билан 2024 йилгача мўлжалланган шартномани имзолаган эди.