ЕЧЛ. ЧОРАК ФИНАЛ (ЖАВОБ БАҲСЛАРИ): Етакчиларнинг йўллари давом этади

Бу сафар Лэмпард дастлаб янада эҳтиёткор моделни танлади ва «Челси» биринчи бўлиб гол уриши ҳам мумкин эди, аммо Канте қулай вазиятни йўққа чиқарди. «Реал» бунга жавобан Танаффусдан кейин ҳам мезбонлар фаоллик кўрсатишди, лекин якунда лондонлик футболчиларга аниқлик етишмади. «Реал» эса ўз услубида Родригонинг икки голи эвазига қарама-қаршиликда қийинчилик кўрмай, ярим финалга йўл олди.

Иккинчи, итальянча баҳсда «Милан» дуранг ўйнаб, уйдаги ғалаба эвазига кейинги босқичга йўл олди. Эътиборлиси, «Диего Армандо Марадона» стадионидаги учрашувда жамоалар биттадан пенальтидан фойдалана олишмади.

Яна бир эътиборга молик томони куннинг ҳар икки ўйинида Европа Чемпионлар Лигаси турнири тарихида энг кўп бош совринга эга чиқишган жамоалар кейинги босқичга чиқишди - «Реал» «шалпанқулоқ»ни 14 бора ўзиники қилган бўлса, «Милан» 7 марта ғолиб чиққан.

***

Карим Бензема ЕЧЛда 150та ўйинда қатнашган бешинчи футболчи бўлди. Турнирда француз форвардидан фақат 4 нафар футболчи олдинда: Криштиану Роналду (183та ўйин), Икер Касильяс (177), Лионель Месси (163) ва Хави (151). Бундан ташқари, Бензема ЕЧЛдаги ўйинлар сони бўйича «Реал»нинг рекордини ҳам янгилади. Карим «Мадрид» учун 131-ўйинини ўтказди, у Раулни ортда қолдирди (130).

***

«Милан» 16 йилдан бери илк марта ЕЧЛнинг ярим финалига чиқди. Охирги марта «Милан» 2007 йилда турнирнинг 1/2 финалигача етиб борган. Ўшанда клуб финалда «Ливерпул»ни мағлуб этган (2:1) ва титулни қўлга киритганди.

18 апрель

ЧЕЛСИ - РЕАЛ - 0:2 (0:0)

Лондон. «Стэмфорд Бриж» стадиони. 39453 томошабин.

Бош ҳакам: Даниэле Орсато (Италия).

Голлар: Родриго (58, 80).

Челси: Кепа, Жеймс, Тиаго Силва, Чалоба, Фофана, Кукурелья (Мудрик, 68), Ковачич, Канте, Галлахер (Жоау Феликс, 67), Фернандес (Стерлинг, 67), Хавертц (Маунт, 77).

Реал: Куртуа, Карвахаль (Начо, 82), Алаба (Рюдигер, 46), Милитао, Камавинга, Модрич, Кроос (Себальос, 76), Вальверде, Винисиус, Родриго (Асенсио, 81), Бензема (Тчуамени, 71).

Огоҳлантиришлар: Кукурелья (34), Жеймс (50), Мудрик (89) - Милитао (22).

Учрашувнинг энг яхши ўйинчиси - Феверико Вальверде («Реал»).

Биринчи учрашув - 0:2.

-----------------------------------------------------------------------------------

НАПОЛИ - МИЛАН - 1:1 (0:1)

Неаполь. «Диего Армандо Марадона» стадиони. 52728 томошабин.

Бош ҳакам: Шимон Марчиняк (Польша).

Голлар: Осимхен (90+3) - Жиру (43).

Фойдаланилмаган пенальтилар: Кварацхелия (82) - Жиру (22).

Наполи: Мерет, Ди Лоренцо, Жезус, Рраҳмани (Эстигор, 74), Мариу Руй (Оливера, 34), Лоботка, Зелиньски (Распадори, 74), Ндомбеле (Элмаз, 63), Политано (Лосано, 34), Кварацхелия, Осимхен.

Милан: Меньян, Калабрия, Кьер, Томори, Эрнандес, Крунич, Бенносир, Браим Диас (Мессиас, 59), Тонали, Леау (Салемакерс, 84), Жиру (Ориги, 68).

Огоҳлантиришлар: Ди Лоренцо (45+7), Оливера (90+3) - Эрнандес (45+1), Меньян (45+6).

Учрашувнинг энг яхши ўйинчиси - Рафаэль Леау («Милан»).

Биринчи учрашув - 0:1.

***
19 апрель

БАВАРИЯ - МАНЧЕСТЕР СИТИ

Биринчи учрашув - 0:3

ИНТЕР - БЕНФИКА

Биринчи учрашув - 2:0

ТЎПУРАРлар:

Холанд (Ман.Сити) - 10та

Салоҳ (Ливерпуль) - 8та

Мбаппе (ПСЖ) - 7та

Винисиус (Реал) - 6та

Жоау Мариу (Бенфика) - 6та...