Энг катта улуш «Манчестер Сити»га!

By Пўлатов Мухаммадхон 25 Jul, 2023 12 дақиқа ўқиш 350 Кўрилди

0 comments 0 likes

ФИФА ЖЧ-2022га футболчи жўнатган клубларга қанча маблағ ажратилганини маълум қилди.

Аниқроғи, клублар ўз футболчиларининг мундиалдаги иштироки ортидан қанча олиши юзасидан баёнот берилди. Ҳисоботга мувофиқ, клубларга ажратилган умумий суммадан энг катта улуш АПЛ чемпиони - «Манчестер Сити»га тегади - деярли 4,6 миллион доллар. Таққослаш учун айтсак, бу Африканинг барча клублари умумий даромади (4,57 млн. доллар)дан ҳам кўп.

Умуман олганда, ФИФА ЖЧ-2022га футболчи юборган барча клубларга жами 209 миллион доллар ажратди. Ҳисоботдан маълум бўлишича, бу ҳар бир футболчининг мусобақадаги 1 кунига 10950 доллар тўғри келишини англатади. Алоҳида қайд этиш керак, ажратилган маблағдан фақат футболчиларнинг амалдаги клублари эмас, балки улар охирги 2 йилда ўйнаган жамоалар ҳам улуш олади. Табиийки, ФИФА жамғармасининг катта қисми Европанинг кучли 5та лигаси етакчи клубларига тегади. Биринчидан, бу жамоалар мундиалга кўпроқ футболчи юборган. Иккинчидан, уларнинг вакиллари Қатарда кўпроқ вақт ўтказишган. Дейлик, улуш олиш бобида «Манчестер Сити»дан кейинги ўринларда «Барселона» (4,5 млн. доллар), «Бавария» (4,3 млн. доллар), «Реал» (3,83 млн. доллар) ва «ПСЖ» (3,8 млн. доллар) клублари бор.

Футболчиларининг ЖЧ—2022даги иштироки ортидан энг кўп пул оладиган АПЛ клублари

1. «Манчестер Сити» - 4,59 млн. доллар

2. «МЮ» - 3,32 млн. доллар

3. «Челси» - 3,25 млн. доллар

4. «Тоттенхэм» - 2,83 млн. доллар

5. «Ливерпуль» - 2,4 млн. доллар

6. «Арсенал» - 2 млн. доллар

Футболчиларининг ЖЧ—2022даги иштироки ортидан энг кўп пул оладиган Ла Лига клублари

1. «Барселона» - 4,53 млн. доллар

2. «Реал» - 3,83 млн. доллар

3. «Атлетико» - 3,23 млн. доллар

4. «Севилья» - 2,68 млн. доллар